華盛頓炸散攰爆衝擊

猪拉多纳

今晚阿King揀啲二線波推介畀大家。美職球隊蒙特利爾衝擊剛喺加錦賽次回合擊敗對手過關，球員體力必受影響，今仗造訪主場三連勝嘅華盛頓聯隊，相信難有作為，捧主隊贏波。

（周日早上7時開賽）

蒙特利爾衝擊上周中主場與艾蒙頓進行加錦賽次回合賽事，球隊雖然贏波但過程絕不輕鬆，球員體力唔多唔少都會有所影響。蒙特利爾衝擊匆匆再於聯賽作客華盛頓聯隊，以球隊今季客場未嘗一勝嘅戰績，相信凶多吉少。華盛頓聯隊近期表現平穩，主場連贏三場，可見主場出擊特別醒神，阿根廷前鋒艾斯賓杜拿今季聯賽入咗4球，有望於兵疲嘅蒙特利爾衝擊再搵食，阿King推介主W。
串芝華士「讓客」伐木者細

另一場美國芝華士上仗取得久違嘅勝仗，信心增加唔少，作客面對4連敗嘅FC達拉斯可保不敗；最後波特蘭伐木者主場對哥倫布機員，雙方近4次交手皆開細盤，一於再追入球細。