工夫做足肯定贏得

猪拉多纳

　　今晚谷草夜賽採用C+3欄，這條跑道彎位後移，比原本的C欄更銳，故此，我對兩種馬有高度戒心，一是跑谷草向來靠貼欄才有好表現的賽駒；二是上陣經驗不多的質新馬。

　　先講第一類，許多在谷草放頭跑得好的馬大多靠貼欄，但因今次彎位變銳，入直路時必定不自覺地走出中叠，突然沒了欄杆倚傍，最終失準落敗，一點也不奇；至於第二類馬上陣經驗不多，轉彎很容易失平衡，騎師要重新擺正匹馬再衝，難度極高，一來人馬未必霎時做到，二來縱使擺正，其他馬已發力衝刺，失去先機。

　　第七場法國賽馬會盃，一看報名表，立即發覺少放頭馬，到正式排位，見「贏得」抽埋四檔，形勢上更見優勢。當然，正如上文所講，就算谷草曾跑得好，放頭馬也不一定能應付這C+3欄，但揀牠的原因之一是冇馬放，預料步速會中等甚至偏慢，屆時，人馬承受彎位壓力自然減少；二來此駒演出準得驚人，經常段段快開也彈甩對手贏馬；再者，深究其操練，回氣時間不特止夠，先有兩課單跳，接着拍三課，臨尾最後試跑再落草地，之前贏馬也未必操到咁辣，再者又不會太熱，WP揸Q膽最好！

　　威威寶貝準備積極

　　告廐戰馬養足體力，應有好表現。另外，蔡廐「黃金宅男」小休後重頭做工夫再跑，季尾會賺；霍廐「春意溢然」若情緒安穩，可一網打盡；徐廐「翡翠寶寶」弗到爆，排外檔未必吃虧；呂廐「威威寶貝」最後試跑落草地，準備積極。廖浩賢