奧妙繽紛穩奪盃

猪拉多纳

　　早已表明有心爭奪練馬師冠軍的方嘉柏，這個馬房今晚出馬甚多，而且大部分馬匹的實力極強，難怪馬房中人睇好今戰會有頭馬進帳。其中信心最大是第六場三班1000米的「奧妙繽紛」；這匹四歲馬今季五戰獲三勝一位，足證成熟當勇，而牠上仗配潘頓跑谷草同程，排六檔出閘後即沿欄快放，結果直領而返姿態輕鬆。

　　雖然「奧妙繽紛」上仗贏對手不足一個馬位，但勝後仍被加7分，反映受評磅員睇好，今番改配呂卓賢執韁再跑谷草三班1000米，負磅減輕七磅必大有幫助。據悉此駒勝後餐餐食清料，狀態仍有贏馬時水準，今次同場對手熟口熟面，乘勇而來有力贏馬兼捧走法國五月盃。「遊俠兒」上仗跑谷草1200米輸頸位得第二，潘頓不放手應有計，縱使縮程也要作配。

　　威威寶貝長期呈勇

　　另外，呂健威馬房賽前也有搏殺消息傳出，來料話「威威寶貝」長期保持勇態，而且以往配薛寶力五次獲三冠一亞，人馬堪稱最佳拍檔，這次原庄配搭出戰尾場谷草1200米，又可憑後勁制勝，乃第八場穩膽。最強對手是「劍飛聲」，此駒出賽八次以來，至今僅得一仗不入前四名，足證本身鬥心極強，現評78分應尚有上升空間。今次初配莫雷拉上陣，就算排十一檔亦要吼實。