愛寶韋達1600W

猪拉多纳

贏場1600米就話容易啫，贏夠1,600場你又點睇？冇番咁上下卡士，當然冇可能創造壯舉，十三屆冠軍騎師韋達就夠晒資格，昨晚此君第二場憑「愛寶」取得在港第1,600場頭馬，成就空前；到尾場再贏「雪風神駒」起孖，認真犀利。
       
愛寶

賽前已守齋一個月的徐雨石，昨晚憑韋達策騎之「愛寶」打破悶局，練騎周日又有「神舟十號」合作攻堅，角逐本地三級賽沙田銀瓶，此場頭馬正好先行造勢。「愛寶」今季跑過八場，兩度獲亞而未竟全功，如今卒之勝回一仗，徐雨石分析致勝原因時說：「首先當然『愛寶』本身有一定實力，兩次獲亞已可知曉，而上場表現稍為失準只跑第五，全因閘前『正藍旗』走甩擾攘多時，令我駒情緒不穩，因而影響演出。今場捲土重來，為了令馬匹心情更放鬆，特意為牠除下防沙眼罩，果然交回應有水準，並配合好檔之利，一舉打開勝門。」
       
愛得（左）過力壓喜相逢（右），吳定強取得寶貴勝仗。
護級戰吳定強氣走孫達志

上周三谷戰起孖的吳定強，昨晚又憑「愛得過」食頭胡，今季頭馬累積至11場，距達標只欠4W。此場跑第二的是孫達志旗下「喜相逢」，後者同樣為護級而奮鬥，可惜連續兩期均有賽駒搏失屈居亞軍，比較欠運。「愛得過」相隔十四個月重返凱旋門，吳定強表示贏在天時地利人和。他分析說：「此駒雖排7檔起步，但早段輕易切入內欄領放，得以慳位保留體力，在C+3跑道尤其重要，加上薛寶力發揮出色，最終一放到底，勝出漂亮一仗。不過今季谷草已沒五班長途賽，下仗惟有轉爭泥地。」