搵人客串非長遠計

不死鸟

曾幾何時，被譽為騎師天堂的香港馬圈，今非昔比，不少過江龍都先後意興闌珊，知難而退，不理是家庭還是私人理由，看來都是藉口居多，雖知香港只得兩個馬場，一星期跑兩次，騎師又不須像外國般舟車勞頓，而獎金亦豐厚，為何會令他們卻步，背後原因其實不難理解。
不患寡而患不均，呢個世界凡事都係講公平，一少撮甚至一兩位騎師壟斷大部份實力座騎，馬匹減夠分或操起狀態，有機會爭勝時自自然然就會流入其手上，甚至同場有多駒任揀騎，交際手腕了得，地位超然，圍外的有時都幾難分到一杯羹。一些冇乜網絡關係的更勢孤力弱，想搵匹實力座騎都唔易，更遑論連場數胡，如戴勝、薄奇能、高雅志甚至普萊西都萌生去意，騎師在爭取支持座騎背後角力情況非外人所能了解，騎練陣營各據山頭，分黨分派絕非陰謀論者所誇大。
當有騎師出外比賽時，加埋有騎師停賽，騎師荒即出現，馬會都會請人幫手客串一兩日，之前曾邀請冼文諾重臨，剛戰亦搵鄧迪捱�辛x氣幫手跑番日，尚好有匹「雅雪」食得應，不致空手而回，但搵人客串實非長遠之計。