特別項目(目及)實球員特性

猪拉多纳

嫌買邊隊贏、大細同波膽冇難度？唔緊要，自問對球賽發展同局勢特別有心得嘅你，特別項目肯定夠晒挑戰性！試諗吓，如果你連邊個球員會先食「牛肉乾」、做「紅牌阿姑」、甚至入波都估得中，嗰份成功感真係不得了，最重要係賠率夠晒分頭添！

通常特別項目都會開啲出名球星盤口，就以巴西為例，前線重心尼馬及費特都應該榜上有名，雖然尼馬係球隊攻擊重心，不過除咗入波之外，佢亦好擅於喺邊線發難為隊友鋪橋搭路，機會主義者費特分分鐘成為最大得益者，所以費特嘅特別項目值得留意「入球」一項。
本田「入球」先抵玩

至於日本嘅賽事就一定要吼實本田圭佑！呢位「新國寶」堪稱死球專家，基本上所有罰球、死球都會由佢一手包辦，雖然主帥沙哲朗尼今次揀咗5位前鋒出戰，不過論埋門把握力五名前鋒只係一般，所以不如博吓本田罰球建功開「入球」仲抵玩。