勝出洲份必選南美

猪拉多纳

歐洲兵闖凶地搶盃有難度

「世盃勝出洲份」今日有好介紹，翻查紀錄，過去19屆冠軍全部不離歐洲隊或南美洲隊，所以基本上只係二揀一，考慮到歐洲球隊以往從未試過於美洲地區封王，捧1.82倍南美洲最正路。

如果單計捧盃次數，過去19屆一共有10次由歐洲球隊奪冠，比南美洲球隊多一次，如果計捧盃國家數目亦以歐洲隊佔先，世盃史上一共有5支歐洲球隊（意大利、德國「連前西德」、英格蘭、法國、西班牙）贏過冠軍，相反南美洲只有巴西、阿根廷及烏拉圭嘗過捧盃滋味，單睇以上數據無疑是歐洲隊較為佔先。
未有同一洲份球隊三連霸

但有兩個超強數據值得大家留意。首先，世盃史上從來沒有一支歐洲球隊能於美洲地區（南美洲+中北美洲）主辦嘅決賽周封王，如果唔係西班牙上屆破天荒喺南非捧盃，歐洲隊離開自己地頭根本未威過。其次，過往從來冇一個洲份球隊能夠喺世盃造出三連霸，意大利、西班牙已經為歐洲連贏06、10年兩屆錦標，今屆好有可能輪到南美球隊發威。

按照足智彩目前冠軍賠率，來自南美洲嘅巴西、阿根廷分列大熱及次熱門。巴西為今屆東道主，陣中又有尼馬、奧斯卡杜斯山度士、堤亞高施華等當打球星，被捧為大熱門絕對合理。阿根廷亦不用多作介紹，只要美斯在陣，無論任何時候都是不容忽視的熱門之一，更何況上屆殿軍烏拉圭今屆亦保持強勢，王牌蘇亞雷斯如無意外應可趕及復出，造成三強鼎立局面。足智彩南美洲賠率最初開售有1.92倍，現時已變熱至1.82倍，足證備受睇好。
推介：南美洲