韋健仕探兩廐軍情

不死鸟

韋健仕身手唔錯，但係成績唔及幾位澳洲同鄉，只因埋唔到大碼頭，時近季尾，呢輪晨課佢嘅動態變得特別積極，睇嚟都係落雨收柴格局，執得幾多得幾多。

        噚日朝課罷，韋健仕先後搵咗文家良同呂健威傾偈，文家良同佢一路傾一路猛咁揭快勞，睇嚟遲吓應該有坐騎醒佢。睇番今晚賽事，頭場韋健仕騎「年年開心」，文廐則有隻「好機緣」喺度，彼此都係餐士馬，既然傾開合作，順便互探軍情都係好正常嘅事。至於呂健威嗰邊，第二場有「連冠精英」列陣，韋健仕則騎「馬主叻」，一樣有計。