「日光猿兵團」貼聽朝1:1

猪拉多纳

日本聽朝會打和科迪特瓦1比1，仲會躋身世界盃4強！呢個預測唔係球評家畀，係嚟自「日光猿兵團」嘅英太郎。呢位28歲嘅仁兄其實係隻猴子，年紀等同人類嘅80歲。正所謂人老精鬼老靈，英太郎除咗早年參與唔少電視同公開活動演出，仲接拍過南韓同台灣嘅廣告，近年仲開始做埋戰果推介，舊年年底就幫日本四大賽馬賽事之一嘅有馬紀念賽做過分析。到底結果準唔準？唔……如果掂咗嘅，就唔使幾十歲都要捱啦！

由日光市「猿之學校」培養出嚟嘅英太郎，今次真係瞓身演出，除咗估賽果，連入球球員都推介埋。英太郎用揀數字牌同相片提供自己嘅心水，第一場對科特迪瓦，佢揀咗1比1，岡崎慎司係建功者。