好機緣庸中佼佼

不死鸟

三班1200米，「嘉飛」六歲馬今季終於在谷草短途搵到出路，看季內兩捷同程有餘未盡，上仗改跑泥地走勢亦虎虎有威，今次回師勝途又有機會講惡，馬房谷戰成績理想，居此應有穩位望贏之力。
配腳方面，「化工之昇」前仗同程鬥唔贏「揀得準」有點失望，上次轉跑1400米亦所負不遠，三歲馬可望仍有進步空間，跑出水準有力介入戰團。「風陵渡」狀態復甦，「奇蹟」方興未艾，都可加入作配。
五班1650米，「好機緣」季中同程贏馬一役輕取「威武雄星」、「皇仁俊駒」等水準甚高，論馬置身五班亦有呼風喚雨之力，今次做足工夫再戰強項，頭馬料手到拿來。配腳方面，「龍子」上仗初見走勢，遲熟馬操好再來有權爭一席。「按多多」看型格絕非朽木不可雕，近期表現亦漸入佳境，冷腳值得兼顧。「超理想」新勝同程水準不俗，乘勝追擊有權躋身前列。