分秒必爭:（伊利丹）尚兄四連捷在望

不死鸟

 不少投注人在分析馬匹實力時都會犯上一個錯誤，就係每逢見到放頭馬贏得險，都會認為這類馬只是賺形勢下僅勝，機會似是可一難再。

        相反，後追馬末段如飛殺上，最後鞭長莫及，投注人便會一廂情願地卻認定這些馬下仗大有機會收復前失。不過，現實往往並非如此，馬場上經常有放頭馬長贏長有，亦有後追馬屢戰屢敗。

       明日列陣尾場二班千四米的「尚兄」、「確叻迅」，一隻放一隻追，前駒長跑長有，反而「確叻迅」次次都在直路後追一段引人，卻經常成熱下再敗，兩駒正是上述情況的最佳寫照。

        站在投注角度，今戰「尚兄」依然可睇高一線，近三戰在千四米取得三連捷，蹄下敗將包括「至勇威龍」、「貝利高」及早前在一班贏馬的「川滙主帥」，匹匹都係惡馬。今次「尚兄」升班再戰，計實力必定夠爭，最難得係同場前領馬不多，此駒大有機會繼續主宰步速。韌力十足之馬，同場對手要追越牠並不容易，有望取得四連捷。