計得精明:（張沖）厚利多級數冠同群

不死鸟

不少馬匹在中班係威係勢，但升上高班後便無以為繼。事實上，一班馬都分好幾種，雖然名義上在一班出賽的馬匹都可叫作一班馬，但其實內裏有極大的實力差別。

         評分介乎一百至一一○分之馬，如長期未能取得突破，往往只能在一班充當陪跑角色。而一一○至一一五分之馬，可歸納為一班中堅，遇啱有利形勢便可爭勝。至於可突破一一五分之馬，通常擁有級際賽競爭力，此類馬經常要面對馬王級分子，若回師普通的一班讓磅賽，往往可憑卡士取勝，值得優先睇好。

        明日列陣第八場一班千六米的「厚利多」，正屬於上述分子。季初於千四米與「友誼至上」串Ｑ，其後在香港盃預賽力拼「爆冷」，已充分顯示出此駒實力之強。果然，三月初回爭讓磅賽，在久休復出兼負重磅下，也能力壓「火箭動力」捧走港澳盃。

         今次賀賢安排「厚利多」增程跑千六米亞視盃，這場也是一班讓磅賽，估計此駒可再次佔得級數之利，睇部署今戰肯定係箭頭所在，有望再捧盃而回。