精算拍檔有恃無恐

不死鸟

昨日由朝到黑連場大雨，天文台話今日將持續有狂風雷暴，原本好多有料，實牙實齒話贏?馬，噚日已開始有少少轉口風，好似本欄昨提供的「三和之星」，如果跑黏地都OK，但去到尾場場地踩到溶溶爛爛，機會變得好難講，所以呢期亂過亂世佳人就預?，綜合晒所有消息，最硬淨竟然係黃汝安隻「精算拍檔」，料話馬超班濕地冇問題，加上健康狀態搞番掂，今戰1200米用梁家俊負輕磅，料話好有把握幫安?執多場，向畢業目標再跨進一大步。

跟開呢條線早幾日話，無論今次跑任何場地，「精算拍檔」都堪稱勝望最高；「精算拍檔」一年前?呢一刻，響1200米有本事力追現居1班的「威騰」入Q，第3?「夢寐以求」就冇咩特別，但4、5名「樂意洋洋」及「按得快」依家響1、2班仲有馬贏，咁「精算拍檔」居此有幾超？根本已經唔使講?。消息仲話，此駒季初用韋達搏過一次，當時台前幕後都信心爆晒棚，點知跑到不良於行，雖然唔算嚴重，但為穩陣起見，等足半年搞番靚，月初熱身一仗目的要響此賽出擊，今地淋磅輕對腳有過事?「精算拍檔」都有利，唔怪得來料話好有信心補中！

雄爆騎練破冰之選

好多朋友話外籍騎練�a到香港，同聲同氣一家親，高見就覺得只係因情況而異，試睇今季賀賢及白德民，兩個澳洲人自從12月1隻「愛拚者贏」次熱倒灶，二人差不多半年冇交收，直至今日先再有隻「雄爆」走番埋一齊，當誰是誰非已成過去，賀賢搵番白德民，雖只屬客串性質，佢兩個目的只係想贏馬而已，白德民唔想只玩一鋪咁少，到時一定鬥志無限，�裥乃�不妨買多少玩�小�

太平洋用盡一時

除「精算拍檔」及「雄爆」外，畀料人提?隻冷門；「太平洋」響肥佬胡森手上表現認真厲害，9歲之年贏?3場，上兩次輸但走勢仲有兩腳，消息指出「太平洋」依家仍然好fit，而且場地起變化可以跑高好多，所以贏得我�\一定唔會覺得出奇，再者「太平洋」已有同主新馬「太平星」，不過進度有?阻滯，正因為咁，「太平洋」更加唔會有保留，有分頭可以買?WP。