文武精英乘勢崛起

不死鸟

近日本港受到一股低氣壓影響，連場大雨，因此今日極有可能打水戰，跑道掛牌大有機會為黏地，相信屆時賽果又會禾雀亂飛，應該都會爆冷連場。不過從客觀角度分析，落雨跑馬並非壞事，但有一點要大家記住，唔好盡信一些實力馬，因為這些馬未必可應付變化場地，隨時大熱倒灶就無謂一起跟佢輸錢，各位揀馬時一定要留意各駒跑變化地的數據，從而以此為基本揀馬。
從數據上顯示，密探發現一駒甚值得重視，就是列陣第10場的「文武精英」，此駒過往在好至黏地，及黏地，一共上陣6次取得1冠1 亞2季成績，證明牠在變化地作賽甚合適，因此今仗此駒已賺了客觀形勢，當然要留意。
「文武精英」今季可謂大熟大勇，出賽10次，取得2冠3亞佳績，更只得兩次不入前5名，反映馬匹相當忠心肯跑。今仗此馬出戰二班1400米，這是其首本路程，而班次上牠絕對可以應付，最重要係打水戰，馬匹跑輕不跑重，現時牠只負115輕磅上陣，兼又得3檔之利，形勢上甚好，今仗必拚無疑，如有好賠率勿忘。