金像神話檔佳穩膽

猪拉多纳

　　今期沙田日馬三T三關均編四班賽事，形勢十分混亂，估計又係爆冷收場，如果每場搵到一匹重心作為馬膽，不妨拖多幾隻配腳來增加勝算。

　　三T頭關第四場四班1200米，「野孩子」在港跑過兩場獲一亞一季，其中上仗初跑同程配賴維銘，僅以半個馬位見負得第三，表現不俗；今次改配旺人布文，戰鬥力肯定大大加強，如無意外應可贏番場。

　　次關第五場四班1600米，「人強馬勁」近兩仗1400米均予人後上不及的感覺，可見今場增程跑1600米必然更合，事實本身血統亦有長力支持，貝湯美唔騎換上莫雷拉無損攻力，苗廐馬近期戰績佳，馬房正處於搏殺時刻，輪到此駒贏馬交代了。

　　尾關第六場四班1400米，「金像神話」以跟前均速跑法最為煞食，所以今仗抽得一檔起步，可謂深慶得人，就算贏唔到，但要求三甲一席應該相當穩陣，穩膽所在。向東