計得精明（張沖）季尾要吼方蔡Q

不死鸟

蔡明紹早前墮馬受傷，可算得上係損失慘重，不少坐騎易配後均贏馬，如「加州滿意」、「當旺」及「八運寶」等都先後勝出。

　　不過，上述情況亦反映出蔡明紹能夠火速交出成績，很可能是由於大部分坐騎實力超級，加上有減磅之助，未必是因其騎功特別出色。好似「當旺」前仗雖然在蔡明紹胯下贏馬，但入直路後卻騎到左搖右擺，反而剛戰加分後兼易配冇磅減的柏寶，依然可以輕鬆再捷，證明前仗係贏在馬匹實力，不宜過分高估蔡明紹的能耐。

　　另外，方嘉柏及蔡約翰向來較少硬拼，以往兩廐有實力馬同場，多數只能活一個，但時近季尾情況有變，由於兩廐都有心追趕大摩，故近來頻頻出現方、蔡兩廐馬埋身肉搏的鏡頭。

　　好似剛過去的周日便有「紅衣司令」鬥「威武雄獅」，周三亦有「喜寶寶」同「八達嶺」串Ｑ，可見兩廐為爭冠軍各不相讓。周日賽事筆者估計仍有方蔡Ｑ繼續出現，馬迷選馬時不妨從這個角度出發，或可帶來收穫。