馬圈快訊金堡龍華添食

不死鸟

 【本報訊】頭場國際馬匹拍賣會五月挑戰賽，竟然吸引了十四駒上陣，對比起三月一日舉行的拍賣馬挑戰賽只得六駒上陣的冷場情況，今次明顯較有睇頭。

        十四匹參戰馬中，只得「百利高」及「金堡龍華」曾經贏馬，因此將這兩駒秤先絕對合理，而身為「金堡龍華」的騎師都爾更有信心馬匹可取得連捷。

        都爾說﹕「『金堡龍華』上賽初出跑新馬千二米，排在十檔起步，全程走外叠蝕位，惟末段依然可以交出強橫後勁贏馬，證明質素絕對不差。這匹兩歲馬跑了一場後，狀態有增無減，今次再遊勝路千二米，對手未算特別強勁，形勢上對我駒確有優勢，只要發揮正常，應可添食。」

金球展現威力

        至於都爾今季騎外線馬，表現最好就是拍住薛達志，騎練先後兩次合作並交出頭馬，今次兩人又有一匹「金球」攜手出戰，都爾指出﹕「『金球』上賽在泥地一六五○米大敗，賽後被發現不良於行，因此落敗情有可原。早前我曾替此駒出試一課泥地大閘，走勢出色，證明腳部已沒有問題，狀態亦有作戰水準，今次再爭最佳路程泥地一哩，抽排五檔相當有利，如果能夠採取贏馬時的放頭跑法當然最好，就算同場對手搶放，『金球』跟守好位亦不會吃虧，當有一爭之力。」