玉蜻蜓出奇制勝

不死鸟

第七場三班1200米。「功力勁」上次久休復出跑嫌短的1000米輸畀「孫子奇兵」是好賽績，經過一場熱身跑番季內贏馬路程預會有更進一步表現，今場快馬多對牠這類純跑後勁馬會幫到手，大摩要爭冠軍必拚。「功夫」改配梁家俊比上場還要輕5磅，估計仍可在三甲佔一席位。「連利福星」近況亦出色，負磅不算重，續配柏寶仍有足夠競爭力。
第八場三班1650米。「玉蜻蜓」今季唯一有表現就係輸畀跟?侶串Q，伸算目前比該役還要低8分，6歲馬跑到此刻才首次渡江上陣，毅然選擇用勞愛德出戰，小心馬房出奇制勝。
「天祿」上次力克「世界波」見斤両，勝後功夫依然積極，乘勝追擊仍有可爭之道。「特寶樂」一連兩場都表現出色，今次小休個半月再揀贏馬路程復出部署有分寸，不可不拖。