精彩生輝飲頭啖湯

不死鸟

今次蔡約翰馬房有匹四班初出馬「精彩生輝」，先搞清楚身份，呢匹唔係「蓮華生輝」又或者廐侶「玉峽生輝」嘅同主新馬，馬主周係急進派，昔日養過「好正」及「贏得精彩」，來港首季都贏過，當中後駒曾累積五捷，於退役前由蔡約翰接手過，只因馬兒全盛期已過，在其麾下4戰只獲1季2殿，馬主與練馬師之間總算奠定合作基礎。
講番「精彩生輝」呢匹馬，貨源來自著名馬販大衛派斯(David Price)，理性評論質素係未知數，但就保證早熟兼適合本港發展，仄番響澳洲試3個800米閘，分獲冠亞殿各一，肯定打好底才來港。再查血統，老豆BLACK MINNALOUSHE響英愛成名，退役後穿梭於紐、美配種，屬於近年新興種氏，同父馬「勇猛神駒」、「雪山神駒」跑谷草最正斗，「精彩光輝」嘅同母兄長「吉利大哥」一樣擅長谷草及變化地，今次一出即向谷草打主意，似乎已相當有把握，頭啖湯咪錯過。