卡爾斯魯厄坐定粒六

猪拉多纳

FSV未操起唔齊腳

德乙「亞洲熱」愈來愈熾熱，卡爾斯魯厄今季簽下日本中場山田大記，加上陣中南韓前鋒朴正杉，充滿東亞風味。事實上，日韓球員喺德國球壇好吃香，價廉又實用，佢哋往往以德乙作為踏腳石，爭取踢德甲，以至其他歐洲一線聯賽，肯定搏命。卡爾斯魯厄今晚作客對住有隊長文奴爾干拉特缺陣嘅FSV法蘭克福，平手盤撐卡軍。

（有線64、203及18台周六凌晨零時30分直播）

卡爾斯魯厄上季屬於爭升班分子，今季引入山田大記，實力更上一層樓，呢位由磐田山葉來投嘅25歲進攻中場，擅長重炮式遠射，上年去過蘇超同些路迪跟操，屬於有料之人。山田大記上仗已正選上陣，表現獲好評，可惜未能助球隊全取3分，今場應會加多幾錢肉緊。
對賽卡軍佔優

FSV法蘭克福開鑼即出事，不敵新升班嘅海威登，反映仍然未操起狀態。隊長文奴爾干拉特仲喺比賽中被逐，今仗需要停賽，輸波又輸人。冇咗呢位精神領袖壓場，更難期望佢哋會反彈。值得一提，FSV法蘭克福近3次主場對卡爾斯魯厄，輸咗兩次，冇地利優勢可言，客軍更值得睇高一線。