艾阿恩留基恩玩得大

猪拉多纳

亞冠盃8強首回合正式開打，阿聯酋代表艾阿恩將喺主場迎戰沙特阿拉伯代表伊蒂哈德。艾阿恩今夏成功留住加納世盃前鋒基恩，令球隊攻力得以維持，伊蒂哈德雖清洗不少外援，但新加盟球員質素甚高，今仗有能力喺艾阿恩身上取得入球，阿King捧入球大。

（now 671周三凌晨零時直播）

艾阿恩上圈兩回合計4比2淘汰同來自阿聯酋嘅艾查捷拉，球隊今夏成功留住有份為加納出戰巴西世盃嘅前鋒基恩，佢喺今屆賽事已經射入10球，喺射手榜獨佔鰲頭。艾阿恩雖有前鋒保斯基及中場拉度爾離隊，但有費倫巴治中場史度治同浦項制鐵中場李明柱兩位新援來投，實力有增無減。
艾薩德有穆里奇作客照捧

沙特嘅伊蒂哈德上圈兩回合計4比1淘汰同國球隊艾沙比，球隊喺聯賽兩連勝狀態唔錯。伊蒂哈德今夏有漢諾威前鋒耶高蘭、羅馬中場馬昆奴及昆士柏流浪中場森巴迪亞基迪加盟，整體實力比以往有過之而無不及，而本土射手科拿達喺今屆亞冠盃已攻入6球狀態不俗。兩隊嘅攻力都非常強勁，今仗交手隨時上演入球騷，捧入球大。

另一場亞冠盃8強賽事，卡塔爾勁旅艾薩德作客對沙特阿拉伯一哥希拉爾，艾薩德雖有前西班牙名將魯爾宣布退役離隊，但球隊由FC廣州簽入前鋒穆里奇，上仗首次登場已梅開二度，證明狀態甚弗，今仗有望帶領艾薩德反客為主，捧讓球客勝。中北美州冠軍盃分組賽，巴拿馬球隊佐利奴早前雖成功羅致前鋒艾費度史堤芬斯及中場阿羅斯文拿等新援，但實力及經驗始終唔及墨西哥勁旅藍十字，今仗簡單捧客W。