銀河乘勝追擊白帽

猪拉多纳

洛杉磯銀河聽朝美職迎戰溫哥華白帽，1.45倍主勝制得過。銀河上場聯賽作客科羅拉多急流，半場落後1:3，換邊後一口氣連追3球反勝，終結兩場不勝走勢，並且振奮咗士氣。前線新星薩迪斯今場繼續夥拍羅比堅尼同當路雲兩大王牌數胡，主場唔難搵到食。

（TVB301周日早上10:30直播）
作客6戰不勝

另邊廂，溫哥華白帽首席射手柏度摩拉利斯，已經連續5場作客食白果，連最近兩個月全隊唯一識得作客入波嘅麥托斯，近兩場都啞埋火，尤其係中場樞紐馬迪亞斯拿巴坐波監，進一步削弱攻守實力，今場要打破球隊連續6場聯賽作客未贏過嘅走勢，睇怕好難咯。