陽明寶寶篤定連捷

不死鸟

早前講過方嘉柏大有機會迎頭趕上大摩領先地位，言猶在耳，果然上周日方嘉柏取得兩場頭馬，現與大摩同樣以62場頭馬平頭，但方嘉柏第二名多過大摩，所以暫列練馬師榜頭位，而神仙蔡亦步步緊追，暫以59場頭馬落後3場位居第3位，估唔到今季練馬師之爭咁激烈，睇現時形勢，真係未到煞科戰都唔知邊個奪得今季練馬師冠軍寶座。不過睇回近戰形勢，洛維預測應係方嘉柏同蔡約翰之爭，原因大摩可用籌碼唔多，睇番近幾戰大摩馬房派兵上陣只係三幾隻，而且並唔係有機取勝實力份子，反之方嘉柏及蔡約翰近戰則屯重兵，就以今晚賽事為例。大摩派出3駒「常山鳳寶」、「功力勁」及「白玉駿駒」，此3駒近績麻麻，加上同場對手甚強，要爭取頭馬有點難度。方嘉柏派出6駒上陣，當中不乏實力子，近績好?有「當旺」、「發達心聲」、「紅皮袖」及「好兄弟」，上述4駒恃�魵鈩輳姡�有運的話必可交出頭馬。而蔡約翰雖然只派「精彩生輝」、「叻家」及「陽明寶寶」出戰，但此3駒近戰分別勝出頭馬及得第二，而且係質新當起，實力亦強勁，今次洛維甚睇好蔡約翰馬房當中兩駒贏馬機會。
第六場三班1650米。「叻家」上次出爭谷草1800得第二，不敵質素甚高及狀態大勇?「世界波」無話可說，以半個馬位僅負雖敗猶榮，此匹腳患馬，近兩戰能交出入位成績，反映腳患已全面康復，而馬匹經過連場實戰後，有越戰越勇之感，近戰名次拾級而上可印證，復課快跳走來爽勁，有火有力，勇態撩人，剛戰1800埋門力弱才被「世界波」所擒，似乎現階段跑1800略長多少，神仙蔡今次將牠縮程跑番1650米，當然計過其里程而為，試準再沿用馬偉昌操刀，可期贏馬補中。
第八場二班1650米。「陽明寶寶」剛戰同程半力言勝姿態討好，轉入蔡?進步突飛猛進，練者操新打磨得來成果，按上場贏來有餘未盡大把在手，足證實力高強顯露，勝後勇況依然，再跑回同班同程，對手應難匹敵，再加上排得1檔好位，連捷呼聲高唱。