紅褲子意猶未盡

不死鸟

唔經唔覺，周三上演本季谷草壓軸戰，胡森馬房都算係今季一大驚喜，這次一對馬房團體馬「龍得風雲」與「馬有成」同時上陣；其中「龍得風雲」係最新一匹，上次都說過匹馬響英國係胡森家族擁有，雖然紙上賽績全在膠沙地建立，但同一case?「應變計劃」今季贏三場草地，說明年幼馬不宜過早武斷，反而要留意「龍得風雲」來港前勝出或上名都有戴眼罩，上次初出角逐谷草1000米，跟不上對手步伐，入到直路勉強追過兩匹馬，再跑同程繼續冇眼罩的話，相信仍很難扭轉劣勢，等下季吧！
「馬有成」上季評69分，可以響三班谷草1200米爆大冷W，但今季無進步之餘竟開倒車，經歷11戰全敗跌至目前57分，係就係減到過晒籠，惟季內演出實在太差，難有信心可言。相反地，同馬房「紅褲子」今季得兩贏兩第二，大前仗輕取「功夫」易如反掌，同父馬「同一世界」上季可四捷，相信在煞科前多添一W絕非奢望。