堤亞高施華缺陣後防散晒 巴西唔易W「讓客」抵買

猪拉多纳

哥倫比亞喺今夏世盃8強慘負巴西出局，聽朝佢哋喺中立場美國上演嘅熱身賽再遇仇人，有「老虎」法卡奧回歸仲唔有仇報仇？相反巴西今場有隊長堤亞高施華缺陣，條後防線即時變「豆腐」，哥倫比亞1.67倍「讓客」玩得過！

（開賽時間：周六早上8:30）

雖然今場只係熱身賽，不過哥倫比亞梗係想一雪世盃出局之恥。今場佢哋重召因傷缺席世盃嘅射手「老虎」法卡奧，有佢加埋「王子」占士洛迪古斯攻堅，前線火力勁到飛起，巴西豆腐防線好難頂得住。
「老虎」J神孭飛 哥倫比亞火力勁

講起巴西條防線，最豆腐嗰場都莫過於世盃4強對德國畀對手狂轟7球。咁啱呢場就係因為隊長堤亞高施華停賽，今場堤亞高施華亦因傷冇入選，後防靠大衞雷斯孭飛真係不堪設想，而且「森巴兵」喺再次掌帥嘅「新帥」鄧加麾下，踢法上應該會有好大改變，班球員一時三刻未必適應到，唔易再贏哥倫比亞，讓波寧博「讓客」。