雙辣好難食得出

不死鸟

俗語有云︰「唔怕生壞命，只怕改壞名」。人與馬名一樣，改得好會飛黃騰達，改得唔好運程欠佳或影響健康，無疑有點迷信及冇乜科學根據，個人認為信則有，不信則無。
筆者有此言論，並唔係誤導馬友迷信，而係感覺有些馬名好怪，正如今次主角「雙辣」是也，睇表面馬名冇乜唔妥，但假如熟悉攻打四方城（即係打�谌福�?朋友都知道，食出一鋪雙辣甚艱難，以打16圈來計，隨時四人之中一鋪糊食唔出一?都唔出奇，而「雙辣」用於馬名，亦即係話都幾難贏得出，睇回牠出道兩季上陣10次，至今只取得3亞2季軍成績，頭馬欠奉，唔知係唔係改壞名呢？
「雙辣」上季於5月及6月上陣3仗，當中兩場屈居第2欠點運，一仗輸畀質高態勇「納帕二號」，另一仗則馬兒本身入閘時情緒煩躁發脾氣，出閘時又被「超力旺」撞到飛起咁滯，跑1000米全程大墮後脫離馬群，咁?環境幾難有得贏，但牠在蔡明紹全力推騎下，竟然可以在最後200米撲上來爭番入一席第二名位置，假如呢場入閘前不是發脾氣，出閘又沒有被「超力旺」碰撞失位的話，相信呢仗可一嚐頭馬滋味，冇運未能贏馬屬關鍵，但觀此駒連拚多仗未能取勝，似乎實力居4班唔係咁高，加上有腳患兼情緒未改善，贏馬要有大好形勢方可成事，來季熱捧不宜。