威陽力短絕難過信

不死鸟

有許多馬迷認為有些馬匹由細倉轉大倉，又或者由較弱的馬房轉至冠軍馬房，必定可以化腐朽為神奇。當然以前都試過蔡約翰「獅子花」由低贏到上頂班，又有大摩「寶安勁」由6班三連捷贏番上4班，好似提款機咁，不過今日筆者提供一匹小心馬給大家，新季都是避之則吉份子，就是早前轉投大摩的「威陽」（下圖）。
其實前季「威陽」能夠打開勝利之門，或多或少是幸運之神眷顧，首先這場是6月頭馬賽事，許多質優份子紛紛離開4班，餘下的只是老弱殘兵，結果在潘頓努力鑽營下，以短馬頭位擊敗「勁惑」取勝。不過如果小心發現，就見到該役水準低到嚇人，因為之後翌季有一半是在5班服役，包括「輕巧」、「龍子」、「尖子」、「威霸龍」、「金不換」等，「威陽」要贏呢批馬，試問難度有幾大。
上季「威陽」只在季初及季中取得1亞1季，但評分卻減得頗慢，由52分只減到42分，這類經常近而不上名的馬，根本早應該落了5班。新季由大摩接手，雖然將會在5班起步，要贏1場問題應不大，但不可以幻想可以創造評分新高，因為此駒衝刺力短，要把握得好才可交出表現；另一方面就是欠缺鬥心，當有馬拍實時就會處於下風，而且亦見唔穩定的情況，除非大摩有甚麼良方妙藥，否則可能是另一匹「威旺寶寶」轉?後不久又要轉走矣。