史篤城今非昔比難劏鵝

猪拉多纳

史雲斯今周作客史篤城，雖然有中場猛將舒維爾停賽唔出得，但係對住防守力大不如前嘅史篤城，應該唔會有太大影響。而且史篤城今季進攻完全唔掂，仲要讓1球下，梗係撐史雲斯嘅「讓球客勝」啦！

（now621台周日晚11:00直播）
史雲斯得舒維爾停賽

「天鵝」中場舒維爾因為累積5張黃牌在身，所以今場要自動停賽，好彩其他中場都冇病冇痛，好似奇誠庸、尼敦戴亞等人都可以出戰，而早排受膝傷困擾嘅里安比頓亦好番晒，今仗有機會坐喺後備席候命。更重要係防線上仲有右閘安祖蘭高刑滿復出，對右路攻、守都有好大幫助。

至於佔有主場之利嘅史篤城，今季請咗曉士做領隊後表現不進反退，一向以硬淨見稱嘅防線弱咗唔少，打咗8輪賽事只得2場可以保住清白之身，搞到不列坦尼亞球場嘅威力大不如前。而且今仗仲有格連韋倫同阿拿奧杜域因傷缺陣，人腳唔齊要頂住「天鵝」已經有啲難，仲話要讓波喎，點撐得落手呀！