同德寶納入正軌

不死鸟

吳?畀人一種感覺係慢熱馬房，主因練者吳定強素來唔喜歡用藥物去催谷馬匹，而他係以慢火煎魚操練或勤跑手法來提升馬匹狀態，唔好之處係唔可以急功近利，但好處就係馬匹襟跑廷長競賽生涯，任何事有利亦有弊，視乎每位馬主要求，喜歡以快打慢的馬主，當然唔會欣賞他此套模式，自由社會各有喜好，而他馬房目前有44駒，顯見很多認同他此種操練方式來提升馬匹狀態的馬主支持他。
今次所講吳定強馬房的「同德寶」（下圖）便是例子之一，此駒今年一月份在晨課露面，當時見到牠毛色暗淡，骨瘦如柴，慢踱都懶洋洋毫不起勁，出賽更乏善足陳，次次大敗而回，隨後經過練者吳定強悉心照料及馬匹開始適應水土後，情況有所改善，早課所見懶性漸減，馬身壯而收實，腳頭漸漸有勁，煞科日一戰初戴眼罩上陣，早段跟得上馬群，直路又肯衝刺，最後得第五只輸二又二分一馬位，表現比起之前算十分出色，馬匹能有此表現，當然歸功練者操練有功及悉當料理。
睇回呢匹自購馬來港後評66分，以現時評52分對呢匹3歲仔有大把上升空間，而牠在外地於1600米有得第二成績，顯見是匹中距離材，按煞科戰表現，馬兒已開始踏上升軌，只要牠今季進度理想，以目前評分有利下，起碼有一至兩場頭馬在手。