天馬六翅季初吼實

不死鸟

大摩上季一路都處於練馬師榜首位置，但最後竟然臨門撻Q，只以65場頭馬過終點，僅僅輸畀方嘉柏，相信好多人發夢都佔唔到佢會被人過頭，其中一個好大原因可能係主帥白德民的關係，一來大摩用人無方仔咁廣泛，二來白德民又停賽又要養傷，敢信已經打亂他的部署，三來旗下馬季中已鍊到七七八八，種種原因令到大摩「臨尾香」。
而翻查剛季頭馬分布，谷草及泥地各佔16及6場，田草可以話係他的主場獨佔45場，佔去總頭馬數字的三分之二，其中又以1400最威，獨攬14場頭馬，可見呢個倉的馬以中短途較為叻。上述提過大摩旗下馬已搏到差唔多，相信舊馬必需要時間回氣，新季應會靠質新馬爭功，其中由鄭俊偉轉投的「天馬六翅」（下圖）可吼實，此馬來投前經常大熱倒灶，幕後自視甚高，大摩接手呢類馬應會盡快交代．敢信係季初先頭部隊。