(六)28 漢堡 Vs 利華古遜

猪拉多纳

德甲漢堡主場對利華古遜冷味甚濃，利華古遜換帥後季初係威係勢，不過近期三線作戰忙到嘔，今仗已經係佢哋兩星期以來嘅第五場比賽，三日前德國盃作客馬格德堡仲要踢足百二分鐘，想唔腳軟都幾難，何況下周中歐聯佢哋仲要作客俄羅斯火併辛尼特踢爭出線嘅關鍵戰，預期會作出較大輪換，球隊本身已經人腳不整，隊長路菲斯、主力中場卡斯特羅、守將連拿迪斯齊養傷，主力後衞謝華積停賽，球隊鋒線近期啞火，近兩仗都只靠中場大將查漢奴古嘅罰球入波，不過呢位死球專家腳跟有傷，今場能否倒戈對舊主亦成疑問，戰鬥力大打折扣。

漢堡今季增兵後整體實力大增，雖然演出仍較反覆，但近期專打老虎，主場和過拜仁，作客贏過多蒙特，今晚遇上利華古遜又會食欲大振，主場受讓好值博。

（有線61及201台周六晚10時30分直播）