水晶宮新特蘭搶分大戰

猪拉多纳

今晚英超上演海軍鬥水兵，16位嘅水晶宮主場鬥18位新特蘭，兩軍後防「水鬥水」，入球大值得捧場。

（now 621周二凌晨4時直播）

水晶宮領隊禾諾克早前捲入「電話門」事件，被指違規同球證卡頓保喺賽後傾電話。依家卡頓保已經受罰，相信好快輪到禾諾克。事實上水晶宮喺佢領軍下防守好有問題，主力中堅史葛丹恩養傷令情況更惡劣，上仗作客西布朗竟然喺半場領先兩球下被對手逼和，今場史葛丹恩將繼續缺陣，失波情況會持續。

新特蘭開季表現勁曳，門將文路尼連番犯錯，近兩場失咗10球，成條防線慌失失，今場面對同級數對手又要焗搶分，預計佢哋會同水軍駁火，大盤唔怕追﹗