印度光輝３班橫行

不死鸟

近兩屆最佳進步得主「勝眼光」、「再豐裕」，同樣出自蔡廐，前駒首季5捷，上季初再在田草1800捧走保良局百週年紀念盃還以為評分已飽和，結果季尾以巨人殺手姿態勝冠軍一哩賽，繼而征日進軍安田跑第五。香港之賽制，每季必有10多匹4捷及以上馬匹，但一季多捷之代價是換來接�粢患旧蹼y再勝，偏偏這類質新份子在蔡神仙手上可以屢創高峰，「再豐裕」成績同樣驕人，上季由4班起步殺上精英班，評分來個三級跳，暑期評124足足比起步時高出72分，問你服未？
上季煞科戰被捧成大熱門的「印度光輝」，直路湧了一段便收工，實情輸在馬鞍滑移，慢熱馬其實已經演出一仗比一仗好，惟細粒仔（一千磅左右）偏偏越跑越輕較令人擔憂，英愛馬一般5歲才大熟，新季一經養壯在3班足以橫行。