侯城熱刺水鬥水獻細

猪拉多纳

今晚英超尾場，會喺主場迎戰熱刺嘅侯城啞火兼信心盡失，同時熱刺嘅鋒線亦缺態，睇怕呢場海軍鬥水兵精彩極有限，1.75倍入球細諗得過。

（now621台周一凌晨0:00直播）

今季侯城為咗應付歐霸盃，分別引入射手艾保靴南迪斯、中場賓艾化等實力戰將。諗住佢哋可以做番齣好戲啦，點知提早喺附加賽出局，成班波士氣仲要沉到落谷底，喺出局後10場波只贏得1場，最近3仗仲直頭食白果，霎時間要佢哋翻身似乎難度大咗啲喎！
侯城近3場食白果 蘇爾達杜未開齋

對手熱刺踢歐霸盃表現算唔曳，但返到英超就走晒樣，近4場聯賽輸足3場。當中射手蘇爾達杜繼續沉倫，衰到仲未喺英超開齋，另外一對箭頭艾迪巴約、哈利卡尼夾埋入得3粒，真係搵邊個擔大旗都冇信心，咁嘅情況作客侯城，「水鬥水」唔慌會多波入啦！