巴勒莫齊腳唔赦熱拿亞

猪拉多纳

今晚嘅波唔算太多，當中阿King睇中咗熱拿亞主場對巴勒莫嘅意甲賽事。兩隊近況都唔錯，但熱拿亞今仗有幾名主力因傷同停賽踢唔到，實力受損下未必贏到可以夫添出戰嘅「傻豹」巴勒莫，阿King睇好巴勒莫有力反客為主，受讓平半捧下盤。

（TVB 301周二凌晨3時45分直播）

熱拿亞近6場聯賽取得4勝2和，但上仗作客對卡利亞里只能靠對手擺烏龍先至以1比1逼和對手，表現似乎有所回落。熱拿亞今仗更有前鋒費特法斯迪斯、中場湯馬士連干同後衞迪美奧皆因傷缺陣；而中場史杜拿路則因上仗攞紅牌被逐而要停賽，球隊實力受損下未必可延續佳績。

巴勒莫上輪聯賽主場對烏甸尼斯，憑阿根廷前鋒保羅戴巴拿連續第2場聯賽建功下打和和對手，近3戰亦取得2勝1和不敗佳績，表現比季初有所進步。雖然近日有傳巴勒莫想喺明年1月轉會窗重開時將保羅戴巴拿出售套現，但後者表示希望續約留隊，對球隊士氣自然有所幫助。巴勒莫陣中依家冇任何球員受傷停困擾，今仗夫添出擊，作客個陣天殘地缺嘅熱拿亞有力偷雞，受讓平半捧下盤。
串埋CF格蘭納達奈梅亨

另外，西甲CF格蘭納達雖有前鋒達雲馬捷斯及後衞蘇利曼馬利仍未克服傷患，但艾美利亞前鋒鄧達未徹底傷愈，而中場湯馬士柏迪今仗更停賽，作客絕對博唔過，主隊讓平半捧上盤。荷乙奈梅亨雖有後衞馬素艾比亞因膝傷長抖，但球隊近況甚弗，作客都可以照贏有前鋒梅歷受傷嘅阿積士青年隊。