迪帥復仇史浩克唔赦車仔

猪拉多纳

歐聯G組大戰，史浩克惡鬥車路士，焦點當然落喺迪馬堤奧身上啦！迪帥兩年前協助車仔捧起球會史上首座歐聯獎盃，點知最後落得被炒下場。迪帥如今執起史浩克教鞭，為出線、為復仇，冇得留手，受讓半一揀1.87倍下盤。

(有線64及203周三凌晨3:45直播)

史浩克教練迪馬堤奧10月上任後7度領軍，雖然3場作客全敗，不過主場4戰袋足12分，箭頭亨特拉爾同祖普莫亭更聯手貢獻6球，再者，今場係迪帥嘅復仇戰之餘，家陣史浩克亦只係領先第3位嘅士砵亭1分，為爭出線亦唔搏唔得！

對家車路士各項賽事18戰14勝未輸過，不過佢哋4場和波有3場係作客，當中包括歐聯和馬里博爾，主場贏唔到嘅比賽，對手就正正係史浩克，「藍戰士」今場造訪德國贏唔到，有咩出奇先？
歐聯G組