勝利旋峰泥地應合

不死鸟

今日輪到介紹胡森馬房K370「勝利旋峰」，不知是否替補去季初出贏馬、後因傷腳退役的「果斷精明」，只可肯定，幕後?外籍馬主連埋「金獎葡萄」長期支持胡森。
「勝利旋峰」來自澳洲維省，07年4月開始上陣，兩歲跑過3仗不太對辦，下半年踏入3歲才有成績，於1200米大勝5個馬位開齋，其後晉身讓磅賽，但跑完一場後唔知乜事，居然豹隱?成年，復出後表現又好神奇喎，除晒先前戴過?面箍或眼罩，跑5場得4贏1第三，由68分上限讓磅賽逐步贏到89分上限讓磅賽，無論1200或1400米，跑法模式都差唔多，跟二、三位，末段趕過前領馬，贏最少兩個「拎」。
假設「勝利旋峰」來港前未搾盡，平心而論也難望連贏連升，畢竟剛�褶D5歲，進步唔會太多，而且評80分略嫌尷尬，事關跑3班負重磅，吃力之餘又驚讓唔起對手，上2班跑又怕唔夠料，部署方面可能會比較棘手。睇番血統，老豆French Deputy和母系出自Gone West均為美國種，加上本身來港前贏過3次黏地，不妨嘗試打泥地主意，或者草面較鬆的谷草，都會是較佳出路。