大半隊跛晒雲格遭炮轟 傷兵工廠搞唔掂聖人

猪拉多纳

阿仙奴上場擊敗西布朗，喺英超連輸兩場之後終於止血，今晚返到主場對住修咸頓，梗係想繼續搶分，但佢哋傷兵滿營，陣容唔完整。雖然「修頓」上一輪畀曼城大炒3粒，6場不敗紀錄終止，但今場對住傷兵滿營嘅「兵工廠」有力頂得住，受讓半一梗係要撐1.89倍下盤啦！

（now622台周四凌晨3:45直播）

「兵工廠」早前對住史雲斯同曼聯連輸兩場，排名突然跌到落中遊，搞到唔少「廠迷」又聲討領隊雲格，叫呢位「教授」快啲下台，就算上場擊敗西布朗，都仲係有球迷掛起寫住「雲格，咁多年嚟真係多謝晒你，不過你係時候離開球會喇！」嘅橫額。
廠迷拉橫額 叫教授下台

今場對住「聖人」，「兵工廠」又有阿迪達受傷唔出得，傷兵問題嚴重，今場要靠法米尼同艾朗藍斯鎮住個中場，組織力打晒拆扣。

另邊廂嘅修咸頓喺12月快車檔期雖然硬戰連場，但佢哋勝在主力球員冇乜傷，對住陣容不整嘅「傷兵工廠」，以佢哋咁好近況有力乘勢反彈，受讓捧得過。