祖記要炒森多下火

猪拉多纳

祖雲達斯今晚喺意甲主場對森多利亞，應該係時候大勝番一場開「讓球主勝」，原因係祖記上周作客畀費倫天拿悶和，唔講唔知呢場係佢哋近78場聯賽首次開0:0冇波入，加埋上周中歐聯又同馬德里體育會互交白卷，谷埋成肚火梗係要搵森多利亞祭旗啦！

（TVB301周日晚7:30直播）

近年祖記喺意甲打橫行，上星期畀「紫百合」悶和之前，對上1次喺聯賽同對手踢成0:0，已經要數到2012年作客拉素場波。唔知係唔係和開有條路，跟手佢哋喺歐聯對馬體會又食白果，今晚返意甲主場肯定唔想再衰，就算有後衞基亞連尼停賽都冇有怕，始終森多利亞近4次作客祖記有2次至少淨輸2球，近排嘅旺勢相信都幾難持續咯！