二線紅魔夠砌伊奧維

猪拉多纳

英總 23:30 日（21）伊奧維 Vs 曼聯

季初表現唔理想嘅曼聯近期狀態回勇，喺英超已經10場不敗，不過近3場作客都係和波收場，今晚轉戰英總作客英甲「魚腩」伊奧維，就算「紅魔」主帥尹戈爾玩輪換，要輕取對手應該冇難度。今場曼聯讓1球，1.58倍嘅「讓客」用嚟過關都唔錯。

（now621、633及660台周日晚上11:30直播）
尹戈爾玩輪換

曼聯喺聯賽10場不敗，表面上好似好威，但係近期作客遇到阻力，連續3場客仗都打和。不過，伊奧維今季表現差強人意，現時喺英甲排榜尾，近3場都輸波，中場重臣基化摩亞仲要繼續抖，今場遇上曼聯真係唔使旨意有機翻身。

尹戈爾雖然唔會排出最強陣容，但有傷愈復出嘅贊奴沙、安達靴里拉戥腳，實力非伊奧維可比，今場點都要撐「紅魔」！