彭拿費爾冇咁半隊 賓菲加反客為主

猪拉多纳

葡超 3:15（日）32 彭拿費爾 Vs 賓菲加

周日葡超壓軸戲碼，彭拿費爾主場硬撼賓菲加，「讓客」依絲執！彭拿費爾近4戰主場3勝1負，睇落幾醒神，但其實贏波嗰幾場，對手只係今季葡超作客最渣嘅國民隊，同埋喺盃賽擊敗艾維斯同高維拿兩支甲組仔，說服力唔多夠。
彭拿費爾主場強勢係假象

再者，彭拿費爾今場陣容天殘地缺，中場安達方迪斯同後衞文路爾列比路黃牌夠數坐波監，箭頭雷米基爾同守將祖奧柏度就受傷缺陣，而且首席門將夏基傑被伊朗國家隊徵召備戰亞洲盃，加埋冇咁半隊主力咁滯，今輪對住葡超火力最強嘅賓菲加，即使有主場優勢，睇怕都難逃做炮灰嘅命運！