難捨謝拉特 但尊重佢決定

猪拉多纳

自從1月嘅冬季轉會窗重開後，暫時都未見有乜震撼交易，反而利物浦不二之臣謝拉特宣布唔續約，季尾結束後轉戰美職加盟洛杉磯銀河就成為全球熱話，紅軍粉絲梗係唔捨得喇，但其實有何不妥呢？畢竟謝老四已經為利物浦立下不少汗馬功勞，05年歐聯、06年足總盃及12年聯賽盃錦標，都係靠「神奇隊長」領導下摘冠。由於謝拉特已經三十有四，在利記前景不明朗下，去到四季如春、星光熠熠嘅美國南加州「天使城」，盡情享受職業生涯最後時光，我哋絕對要尊重佢嘅決定。
般尼葉士域治和波2串1

講番今晚啲波，利物浦英超早場作客新特蘭（now 621周六晚8時45分直播），但紅軍近期經常踢海鮮波，Peter觀望為宜不作推介，反而有兩場大家可考慮吼和波，串埋2串1或2串3均可，分別係護級6分波般尼主場出戰昆士柏流浪（now 633及660周六晚11時直播），以及英冠前列大戰葉士域治主場硬撼打比郡（TVB 301周六晚8時15分直播），貪佢兩場都不相伯仲，和味夠濃。
金句：神奇隊長謝老四，點只給我歡樂咁簡單