南北韓分途出擊捧晒佢

猪拉多纳

南韓同北韓今日喺亞洲盃分途出擊，南韓喺A組面對實力差一截嘅阿曼，有望大勝一仗，捧讓球主勝。至於北韓喺B組首仗面對實力唔算突出嘅西亞球隊烏茲別克，絕對有力一戰，受讓當然捧讓球客勝。
太極虎歐洲軍團夠炒阿曼

「太極虎」自世盃後進行大換血，由曾喺德國擔任助教及教過科特迪瓦國家隊嘅史泰歷克領軍。南韓今屆有孫興民、李青龍、具滋哲、奇誠庸等喺歐洲搵食嘅球員在陣，無論實力定經驗皆遠勝只有門將艾哈比斯喺歐洲搵食嘅阿曼，相信「太極虎」分組賽首戰有望大勝打響頭炮，捧讓球主勝。

（now 672周六下午1時直播）

北韓今次亞洲盃備戰積極，一個月前去海外操練，分別喺開羅、多哈、巴林同中國海口踢熱身賽及操練，賽前4日先抵達澳洲，更拒絕接受傳媒訪問。但佢哋今次搵咗梁勇基、朴光龍、車正革同李榮直4位喺日本同瑞士聯賽効力嘅球員，呢幾位球員作戰經驗非常豐富，面對實力唔算太強，只有少數外流球員歸隊嘅烏茲別克，絕對有力同對手周旋，捧讓球客勝。

（now 672周六下午3時直播）