QPR主場醒無懼紅魔

猪拉多纳

昆士柏流浪今晚英超迎戰曼聯，受讓一球下2.37倍「讓主」博得過。QPR排喺聯賽榜尾二，全因為作客曳到爆，今季10戰全敗，但佢哋返到主場就唔同講法，近7戰錄得4勝3和未輸過，當中首席射手查理柯士甸斬獲8球，齋計主場戰績嘅話，QPR搶到嘅分數仲多過利物浦同熱刺兩支勁旅，表現絕對唔嘢小！

（now622台周六晚11:00直播）
射手尹佩斯養傷

另邊廂，曼聯今季英超10場作客2勝6和2負，對住新特蘭、般尼、史篤城、阿士東維拉等中下游球隊全部贏唔到。再講吖，「紅魔鬼」隊長朗尼作客入得1球咁大把，最慘係射手尹佩斯又要養傷，迪馬利亞傷愈後又未能重返最佳狀態，而近3場英超作客有2球「士哥」嘅法卡奧，又盛傳同教頭尹戈爾鬧翻，咁多不明朗因素，今場贏唔到有咩出奇？