封面有姿勢有實際

不死鸟

各位馬迷，不經不覺暑假又快將完結，還有約兩周的時間，新一個馬季便開鑼，現時各?馬已操得火紅火綠，當然希望在開鑼日即打響頭炮有一個好開始！每逢開季前，差不多每個倉口都會舉行拜神儀式，祈求新一季事事順境，更希望可贏馬贏到盤滿缽滿，而近期密探亦出席了幾個馬房的拜神儀式，頻頻食燒肉，真係食到有點怕！講番正題，馬季快將開鑼，相信大家亦是時候開始做功課，唔係點可以在季初贏錢，而季初揀馬，大家可用馬匹試閘來作指標，這是在季初有用的方法，因為這段時候不是有很多馬可操起狀態，而馬匹試閘時更可優劣分明，所以試閘有好表現的馬值得優先考慮。

泥閘眼前一亮

今季暫時分兩日舉行了8組試閘（不計今晨試閘），其中在上周五的第4組1200米泥閘中，有一駒令密探眼前一亮，就是何?「封面」，雖然此馬在10駒中以第8名過終點，但過終點後牠在馬群中穿插而上，更像一枝箭飛前過晒所有試閘馬，其這段走勢甚吸引，加上馬匹在上季尾已開始有走勢，今季牠踏入4歲更成熟，當會是有用之輩，值得存記！