(目及)實阿仙奴「雙連」

猪拉多纳

今晚英超重頭戲曼城對阿仙奴，兩軍每次交鋒「火藥味」十足，「廠迷」一向視屢用銀彈挖走「兵工廠」大將嘅曼城為眼中釘，但其實換個角度睇，艾迪巴約、拿斯尼、基捷基治同高路托尼等等，個個都係高價拋售，阿仙奴都賺唔少，「廠迷」要怪，就怪雲格唔肯將呢啲資金用嚟買球星啦！

阿仙奴今晚造訪擅於控制比賽嘅曼城，固然要靠阿歷斯山齊士肩負突擊重任，不過個人認為，「兵工廠」近期最值得大家關注嘅係兩位阿「連」：高基連同埋比利連。高基連喺英冠磨練後硬淨咗唔少，比利連則勝在喺邊線有極強助攻能力，喺迪保治呢段養傷嘅日子，肯定有大把機會。

曼城雖有耶耶托尼缺陣，但呢班波對強隊例有貨交，啱啱復出嘅關鍵先生阿古路，將會係曼城勝負嘅主宰。

（now621台周一凌晨0:00直播）