賭馬講求獨立思考

不死鸟

香港特區政府高唱通識教育，匆匆上馬，課程內容「空泛」，包羅萬有，不�暨呺H，要講求獨立思考及創意，明眼人心知如母語教育一樣注定是失敗。
講到通識，其實賽馬這門學問都屬於通識課，硬件資料從來不缺，網上、電子傳媒及報章資訊巨細無遺，可以話人人從現有相同的材料中，發揮個人獨立思維，心領神會，事前既無所謂標準答案（Model Answer），事後各自得失就視乎夠唔夠「通」。
賭馬有人覺得很簡單，見到自己心目中的愛駒出賽就捧場，收到料就買條2串3W或1W3P，然後去搵其他娛樂節目仲得。當然亦有人全情投入，所花時間及心機，直情當應付考試一樣，馬匹操練狀態、路程性能、評分水位、排位配搭、同場對手、騎練甚至馬主作風等等，絕對是一門高深的學問，但最吊詭的是，付出與回報往往不成正比，努力唔代表一定有收穫，正如所謂乜乜補習天王幫人貼中試題一樣，收料隨時勝過大家通宵戙高床板刨。