高飛飛今季要嘜實

不死鸟

苗禮德係最先引入Elusive City子嗣的先驅，「風火神駒」及「大智慧」上季在其訓練下有聲有色，可惜前駒已轉投賀?重新發展，但馬房內亦有一匹同父系新自購馬等�羲�發掘潛能，這就是71分的「高飛飛」。
「高飛飛」響新西蘭上陣4次，兩次贏馬分別於990及1200米貼欄一放到底，「金碧亮馬」也是其蹄下敗將；至於落第兩仗，一次起步脫腳，一次出到閘但埋唔到欄，與另一快馬鬥燒，入到直路雙雙墮退，年幼馬經驗不足，以上情況常有發生。
看「金碧亮馬」來港評66分，去季得8成狀態、小試牛刀都追過第二，證明有料，間接反映「高飛飛」評71分唔會蝕底。貫徹Elusive City子嗣早熟適應快的特質，「高飛飛」上季落地無耐試閘經已贏成條街，主理人留以有待今季才大展拳腳，無論跑草、泥地都要密切注視，看其來港前贏到1200米，而母系源自Towkay，估計1200至1600米都是射程範圍。