鵬力洋洋4班過客

不死鸟

前任馬王「好爸爸」今季加盟告達理馬房，極受圈內外人士注目，雖然大告倉口養馬量只接近30匹，但旗下一批K字布質新馬，經過上季適應期後，踏入新季理應更趨成熟，馬房亦可以放膽做工夫，而且當中不乏質佳實力份子，上季拍賣馬「鵬力洋洋」便屬其中之一，估計今季要交出兩W不會有阻力。
「鵬力洋洋」上季新馬時只跑過3仗，真正實力仍未顯露，去季3戰只曾在一仗新馬賽田草1200米後上追回一席第3，頭二馬「傳奇快車」與「金堡龍華」實力亦不簡單，反映出賽事水準頗高。其餘兩仗均欠表現，兩歲馬成熟進度未足而已，倉主亦避免過份催逼此匹年嫩馬，免傷及其元氣。
踏入今季此駒漸見成長，馬房亦明顯加快步伐放膽做工夫，8月初已安排其復課做基礎熱身工夫，8月中露面大跑道出試，而且無論快試、踱步均由練馬師一手主理，昨晨則交由馬偉昌過檔與?侶「駿傑泓駒」拍跳考驗，末段追勁甚強，明顯比去季進步，此匹3歲馬質佳仍有大幅進步空間，目前插入4班根本屬過客，馬匹本身頗具鬥心，應屬一匹中距離馬，季初熱身後部署在1400米或以上途程出擊，有力為馬房數胡。