陽明好好高一線

不死鸟

我�\成日講馬匹要有十足狀態才會跑得好，同樣騎師更要夠弗方能發揮出馬匹爭勝水準，素知騎馬所需體力比其它運動量大，雖然只係短短分零兩分鐘，但係到最後直路階段，騎師在馬背上要一鼓作氣手執韁繩用腰力推騎，必要時更要揮鞭指示馬匹加快步速，腳力要足夠才能維持平衡，所以話要勝出一場頭馬，除?馬匹有實力有狀態，仲需要騎師夠弗才能成事，有時聽到現場評述員或馬迷講，某騎師該場馬原本可勝，可惜馬有人冇，騎輸畀人就是此道理。講起季初騎師夠唔夠弗，睇身形亦可見得到，近日在晨課見到韋健仕身形最唔掂，看到其腰兩邊肥肉唧晒出來，明顯身肥所致，假使近日唔積極減肥，相信季初頭幾次賽事佢喺唔夠狀態之下，難同其他夠弗?騎師一爭。
開鑼戰重頭戲特首盃，上季勝出此盃係蔡約翰馬房?「安畋」，今季此駒不上陣參予，神仙蔡以「紅衣司令」及「陽明好好」（右圖）列陣，神仙蔡能否蟬聯跑過至知，但筆者則看好「陽明好好」有機會奪盃，因此駒日前試閘走勢甚佳，口勁收斂不浮不躁，狀態好過廐侶，加上4歲正值壯年，屆時韋達選騎可睇高一線。